U Hrodnie zvolniŭsia prakuror, jaki byŭ abvinavaŭcam pa palityčnych spravach
U kancy lutaha prakuror Dźmitryj Hrycuk syšoŭ z prakuratury horada Hrodna. Jon udzielničaŭ u niekatorych kryminalnych pracesach, jakija pačali paśla vybaraŭ. Naprykład, byŭ dziaržabvinavaŭcam u spravie źbitaha AMAPam taksista Alaksieja Łapy.
Dźmitryj syšoŭ z prakuratury pa pahadnieńni bakoŭ, raspavioŭ jon Hrodna.life. Ad inšych kamientaroŭ były prakuror admoviŭsia.
Dźmitryj Hrycuk — pamočnik prakurora horada Hrodna, juryst 2 kłasa, jak možna daviedacca na sajcie harvykankama. Da pracy ŭ prakuratury byŭ pamočnikam prakurora Lidskaha rajona.
U pres-słužbie prakuratury na pytańni Hrodna.life paprasili zrabić piśmovy zvarot.
Dźmitryj Hrycuk padtrymlivaŭ abvinavačvańnie pa spravie Alaksieja Łapy ŭ pačatku sudovaha śledstva. Paźniej dziaržabvinavaŭcam staŭ Hieorhij Smolski. Taksama ŭ studzieni za hvałt u dačynieńni da supracoŭnikaŭ orhanaŭ unutranych spraŭ pačali sudzić čatyroch čałaviek pa padziejach 27 vieraśnia, dzie dziaržabvinavaŭcam vystupaŭ Dźmitryj Hrycuk. U kancy lutaha Hrycuka źmianiŭ Siarhiej Piatraška.