Łukašenka pra błakavańnie zajaŭlenaj na «Jeŭrabačańnie» pieśni ad Biełarusi: Tolki aŭtarytetu im dadali
Jeŭrapiejski viaščalny sajuz dniami paviedamiŭ, što pieśnia «Ja nauču tiebia», jakuju adpravili ad Biełarusi, nie moža być pradstaŭlena na «Jeŭrabačańni», pakolki stavić pad sumnieŭ niepalityčny charaktar konkursu. Videa ansambla «Hałasy ZMiesta» schavali na kanale konkursu ŭ YouTube, a biełaruskamu boku prapanavali źmianić pieśniu abo adpravić novuju. Kali heta nie budzie zroblena, to Biełaruś dyskvalifikujuć.
Ansambl «Hałasy ZMiesta»
«Nas pačynajuć užo pa ŭsich frantach padciskać. Navat na «Jeŭrabačańni», ja hladžu. Što tam hetyja chłopcy? Nu, tolki aŭtarytetu im dadali. Jak kažuć, dobry pijar. Nu, kali što, tak pieśniu my zrobim inšuju. Nie pytańnie», — zajaviŭ Alaksandr Łukašenka.
Ansambl «Hałasy ZMiesta» vykonvaje źjedlivyja ahitki pra pratesty, dvarovyja čaty, pra Paŭła Łatušku, Śviatłanu Cichanoŭskuju, Maryju Kaleśnikavu i palityčnuju situacyju ŭ Biełarusi.