Bajdena spytali, ci ličyć jon Pucina zabojcam
Prezident ZŠA Džozef Bajden u intervju telekanału ABC śćviardžalna adkazaŭ na pytańnie žurnalista, ci ličyć jon prezidenta RF Uładzimira Pucina «zabojcam», piša meduza.io.
«Mmm, chmm, tak», — adkazaŭ Bajden na pytańnie Džordža Stefanapołusa, jaki braŭ u jaho intervju.
Taksama prezident ZŠA vykazaŭ upeŭnienaść u tym, što Pucin «zapłacić» za ŭmiašańnie ŭ amierykanskija vybary.
Sa słoŭ Bajdena, u pačatku studzienia ŭ jaho adbyłasia telefonnaja razmova z Pucinym, padčas jakoj jon skazaŭ rasijskamu prezidentu: «Ja viedaju vas, vy viedajecie mianie. Kali apyniecca, što heta [ŭmiašańnie] mieła miesca, to budźcie hatovyja [da nastupstvaŭ]», — skazaŭ Bajden.