U Rumynii aholenaja žančyna z kamieniem napała na televiadučuju ŭ žyvym efiry
Padčas žyvoha efiru na rumynskim telekanale Antena 1 na televiadučuju Mirełu Vajdu napała aholenaja žančyna, jakaja špurnuła ŭ jaje kamień.
Vajda viała svajo šou «Prosty kantakt» (Acces Direct), kali ŭ žyvym efiry ŭ kadr zabiehła žančyna całkam biez adzieńnia i z kamieniem u ruce.
Žančyna kinuła kamień u bok televiadučaj. Taja zmahła ad jaho ŭchilicca i adbiehła. Adzin z techničnych supracoŭnikaŭ staŭ pamiž aholenaj žančynaj i Vajdaj. Zatym da ich padbieh jašče adzin mužčyna, i na hetym žyvy efir pierapyniŭsia.
Paśla pierapynku šou praciahnułasia. Vajda raspaviała, što źviazvaje incydent z pahrozami, jakija atrymlivała apošnim časam.