«Absalutna nie zhodnyja»: Kreml prakamientavaŭ słovy Makrona pra novy typ suśvietnaj vajny
Rasijskija ŭłady «absalutna nie zhodnyja» z tym, što Rasija i Kitaj viaduć «niejkuju vajnu» abo vykarystoŭvajuć temu vakcyn ad karanavirusa jak instrumient upłyvu, skazaŭ pres-sakratar Uładzimira Pucina Dźmitryj Piaskoŭ.
Žurnalisty paprasili jaho prakamientavać słovy prezidenta Francyi Emaniuela Makrona pra pahrozu «suśvietnaj vajny novaha typu» praź dziejańni Maskvy i Piekina ŭ vobłaści vakcyn, piša RBK.
Piaskoŭ skazaŭ, što Maskva vysoka cenić «davierny dyjałoh pamiž Makronam i Pucinym», a taksama hatoŭnaść i žadańnie francuzskaha lidara «samyja składanyja pytańni abmiarkoŭvać u ramkach hetaha dyjałohu».
Ale słovy Makrona pra vajnu i vakcyny «adnosiacca da śfiery našych absalutnych roznahałośsiaŭ», dadaŭ pres-sakratar prezidenta Rasii.
«My absalutna nie zhodnyja z tym, što Rasija ci Kitaj viaduć niejkuju vajnu ci vykarystoŭvajuć vakcynnuju prablematyku ŭ jakaści instrumienta ŭpłyvu», — adznačyŭ jon.