«Bajpoł»: My sarvali terakt, u adkaz abvinavacili nas
Inicyjatyva byłych biełaruskich siłavikoŭ prakamentavała pa prośbie Svabody zajavu MUS, u jakoj havorycca pra praduchileńnie teraktaŭ, ślady jakich nibyta viaduć u BYPOL.
MUS paviedamlaje pra zatrymańnie «terarysta», jaki zakłaŭ vybuchoŭku ŭ śmietnicu, i źviazvaje jaho z « Bajpołam»
«My sarvali plany ŭładaŭ pa ažyćciaŭleńni terakta. U adkaz u jaho padrychtoŭcy abvinavacili nas. Hałoŭnaje, što my zachavali žyćci ludziej», — prakamentavali paviedamleńnie MUS u inicyjatyvie BYPOL.
24 sakavika BYPOL zajaviŭ, što atrymaŭ infarmacyju ab padrychtoŭcy ŭładami teraktu, jaki dazvolić abhruntavać uviadzieńnie nadzvyčajnaha stanovišča. Pa infarmacyi krynic BYPOL, 25 sakavika ŭ ramkach planu pa dyskredytacyi pratesnaha ruchu i jaho poŭnaj likvidacyi siły Kamiteta dziaržaŭnaj biaśpieki rychtavali terarystyčny akt u adnym z budynkaŭ orhanaŭ unutranych spraŭ. U KDB nia stali kamentavać hetuju zajavu.