U siłavikoŭ i dziaržprapahandystaŭ mohuć źjavicca ciełaachoŭniki, a kali treba budzie — im źmieniać źniešnaść
U siłavikoŭ i dziaržaŭnych žurnalistaŭ, jakija «dziejničajuć u intaresach krainy», mohuć źjavicca ciełaachoŭniki. Takuju mieru płanujuć uklučyć u zakon ab dziaržabaronie, zajaviŭ u efiry «Biełaruś 1» namieśnik dziaržsakratara Savieta biaśpieki krainy Alaksandr Rachmanaŭ.
Pa słovach Rachmanava, miarkujecca, što pa rašeńni MUS na hetych ludziej budzie raspaŭsiudžvacca dadatkovaja abarona, «jakaja dazvolić źbierahčy i ich zdaroŭje, i ich žyćcio, i ich majomaść ad lubych złačynnych zamachaŭ».
Pradstaŭnik Savieta biaśpieki adznačyŭ, što ŭ zakonie praduhledžany roznyja miery, «pačynajučy ad fizičnaj abarony i až da lehiendziravańnia ich źviestkach», a taksama źmianieńnie źniešnaści.
Zakon ab dziaržabaronie byŭ pryniaty ŭ Biełarusi ŭ 1999 hodzie. Ciapier pad jaho dziejańnie traplajuć sudździ, słužbovyja asoby pravaachoŭnych i nahladnych orhanaŭ, supracoŭniki orhanaŭ dziaržaŭnaj achovy i ich blizkija.