Atručvańnie chłoram u spartkompleksie ŭ Sierabrancy: evakujavali 82 čałaviek, adzin supracoŭnik špitalizavany
Uviečary 28 sakavika ŭ FAK «Sierabranka» na Rakasoŭskaha, 44, adbyłosia nadzvyčajnaje zdareńnie z chłoram.
Fota MNS
— Trochi za dzieviać viečara padyšoŭ achoŭnik z racyjaj i paprasiŭ: «Pakińcie, kali łaska, budynak», — raspavioŭ Tut.by vidavočca zdareńnia Siarhiej, jaki zajmaŭsia ŭ trenažornaj zale. — Naviednikam skazali, što ŭ padvale prarvała chłor, heta vielmi niebiaśpiečna — možna apiačy lohkija. My pajšli ŭ raspranalniu, ale litaralna adrazu ž da nas padyšli supracoŭniki MNS u abmundziravańni i skazali vychodzić jak maha chutčej, — apisvaje Siarhiej. — U trenažornaj zale było 10—15 čałaviek maksimum. Vosiem chłopcaŭ, moža, piać dziaŭčat. Značna bolš vychodziła ludziej z basiejna, jany raźmieščany na adnym paviersie.
Pa vychadzie z kompleksu minčuk ubačyŭ chutkuju:
— Na vulicy stajała čałaviek 20 kala jaje — jakraz tyja, chto byli z basiejna, niekatoryja kašlali.
Aficyjny akaŭnt MNS u Twiiter paćvierdziŭ, što ratavalniki vyjazdžali pa adrasie Rakasoŭskaha, 44: «Papiarednie naviedvalniki FAK znachodzilisia ŭ saunie i adčuli pach chłorki. Ludzi samastojna pakinuli budynak».
Paźniej MNS paviedamiła, što 82 čałavieki evakujavanyja, adzin supracoŭnik špitalizavany z papiarednim dyjahnazam «atručańnie chłoram».