Erdahan źbirajecca ŭ Nahorny Karabach
Prezident Turcyi Redžep Taip Erdahan naviedaje horad Šuša ŭ Nahornym Karabachu, jaki pierajšoŭ pad azierbajdžanski kantrol.
Zrobić jon heta paśla taho, jak skončycca śviaty dla musulman miesiac Ramadan. Pra heta sa spasyłkaj na jaho vystup na virtualnym samicie Ciurkskaha savieta paviedamlaje lenta.ru.
«My praciahniem zastavacca pobač z bratnim Azierbajdžanam, abaraniajučy našy ciurkskija kaštoŭnaści ŭ Nahornym Karabachu. Važna padniać rehijon na nohi i kab našy braty zmahli viarnucca na svaje ziemli. Paśla śviata Ramadan (13 maja) my chočam naviedać Šušu, dzie my, spadziajusia, razam adznačym śviata», — zajaviŭ Erdahan.