Prezident Francyi abviaściŭ pra novy ahulnanacyjanalny karancin
Z 3 krasavika va ŭsioj Francyi ŭviaduć čarhovy — treci z pačatku pandemii — ahulnanacyjanalny karancin. Jon budzie dziejničać na praciahu čatyroch tydniaŭ. Pra heta ŭ telezvarocie zajaviŭ prezident krainy Emaniuel Makron.
lemonde
U ramkach karancinu ŭvodziacca nastupnyja abmiežavalnyja miery:
— supracoŭniki pavinny buduć viarnucca na dystancyjnuju pracu;
— začyniacca ŭsie kramy, akramia tych, dzie pradajucca tavary pieršaj nieabchodnaści;
— na try tydni buduć začynienyja dziciačyja sady, škoły i kaledžy. Studenty VNU zmohuć naviedvać zaniatki adzin dzień u tydzień;
— budzie zabaroniena źjazdžać ad doma dalej čym na 10 kiłamietraŭ biez uvažlivaj pryčyny. Pajezdki pamiž rehijonami buduć dazvolenyja tolki padčas vielikodnych śviataŭ.
Nieabchodnaść novaha karancinu Makron patłumačyŭ raspaŭsiudžvańniem u Francyi brytanskaha štamu karanavirusa.
«Ja źviartajusia da vas, kab zaklikać usich da mabilizacyi na krasavik», — zajaviŭ francuzski prezident. Jon dadaŭ, što ŭłady płanujuć pačynać admienu abmiežavańniaŭ z-za karanavirusa da siaredziny maja.