U Maładziečanskim rajonie brat haniaŭsia za siastroj ź siakieraj
Zdareńnie adbyłosia 30 sakavika ŭ v. Damašy, paviedamlaje kraj.by.
69-hadovaja žančyna pazvaniła ŭ milicyju. Jana raspaviała, što brat ahresiŭna siabie pavodzić, biehaje pa dvary ź siakieraj u rukach.
Vyśvietliłasia, što mužčyna prasiŭ u žančyny hrošaj, jana admoviła. Zatym jon zapatrabavaŭ jaho nakarmić, i taksama atrymaŭ admovu. U vyniku jon staŭ haniacca za joj ź siakieraj sa słovami: «Siońnia ja ciabie skonču!»
Žančynie ŭdałosia zamknucca ŭ svajoj pałovie doma i vyklikać milicyju.
Milicyja zatrymała mužčynu, ahlad pakazaŭ 1,7 pramile ałkaholu.