Duet VAL staŭ siamjoj
Dla kahości 1 krasavika — dzień humaru, a dla dueta VAL, jaki pavinien byŭ jechać na «Jeŭrabačańnie-2020» ad Biełarusi, — pačatak siamiejnaha žyćcia. Lera Hrybusava i Uład Frajman vykłali ŭ Instagram fota z ZAHSa. Jany vyrašyli ŭzakonić adnosiny, jakija doŭžylisia 5,5 hadoŭ, piša kp.by.
Fota z sacsietak
— Vinšujem! Zyčym lubić adno adnaho 100 hadoŭ! Heta ž nie žart ź viasiellem?
— Nie, jakija žarty — zaśmiajalisia rabiaty. — U nas usie važnyja padziei adbyvajucca ŭ pačatku miesiaca, pieršaha krasavika. Tradycyja ŭžo! Pačali sustrakacca 1 śniežnia, 1 maja vypuścili pieśniu, 1 kastryčnika była prapanova.