Zatrymany viadomy brescki pradprymalnik Valancin Dandorf
Jamu vystaŭlena abvinavačańnie ŭ stvareńni złačynnaj arhanizacyi i łžepradprymalnictvie.
Supracoŭnikami Kamiteta dziaržaŭnaj biaśpieki zatrymany brescki biźniesmien Valancin Dandorf.
Jak paviedamiŭ Centr infarmacyi i hramadskich suviaziej (CIHS) KDB, jamu vystaŭlena abvinavačańnie ŭ stvareńni złačynnaj arhanizacyi i kiravańni joju (č. 1 art. 285 KK), iłžepradprymalnictvie (č. 2 art. 234 KK). Biźniesmien źmieščany ŭ SIZA UKDB pa Bresckaj vobłaści.
U paviedamleńni CIHS ukazvajecca, što spyniena supraćpraŭnaja dziejnaść 14 kamiercyjnych struktur, u tym liku TAA «Asacyjacyja šviejnych pradpryjemstvaŭ «Dyjoma», TAA «Irydastyl», TAA «Kredareśpiekt», TAA «Dyjointerbud», TAA «Kreda Teks», TAA «Dyjateks», TAA «Irydateks», TAA «Łajhotyk», padkantrolnych Dandorfu.
Padčas vobyskaŭ u pamiaškańniach šviejnych firm i žyłych damach, jakija naležać biźniesmienu, u tajnikach było znojdziena zvyš 100 km tkaniny (bolš za 2.000 rułonaŭ) i bolš jak 16 tys. hatovych šviejnych vyrabaŭ koštam zvyš 2 młrd. rubloŭ biez dakumientaŭ, jakija b paćviardžali lehalnaść ich nabyćcia abo vyrabu.