Aleksijevič piša knihu pra padziei ŭ Biełarusi. «Ja ŭražanaja, jak chutka znoŭ zapracavała stalinskaja mašyna»
Śviatłana Aleksijevič zajaviła, što piša knihu pra padziei ŭ Biełarusi, jakija adbyvajucca paśla prezydenckich vybaraŭ. Pra heta jana skazała ŭ interviju niamieckaj hazecie Süddeutsche Zeitung, piša «Svaboda».
«My chočam stvaryć niezaležnuju, kvitniejučuju krainu. Ale jak? My žyviom pamiž dźviuma niebiaśpiekami: Łukašenkam i Rasiejaj, — skazała Aleksijevič u interviju. — Viedajecie, što kažuć ludzi, kali ja ŭ ich pytajusia, jak im žyviecca ŭ Biełarusi? «Śviatłana, my žyviom pad akupacyjaj».
«Ja była ŭražanaja tym, jak chutka znoŭ zapracavała stalinskaja mašyna, — kaža Aleksijevič. — Nichto ničoha nie zabyŭsia. Paŭsiul źjavilisia stukačy, miascovyja padraździaleńni KDB pracujuć poŭnaj chadoj. Lekar danosić na svajho kiraŭnika, jaho zvalniajuć, a danosčyk atrymlivaje jahonuju pasadu. Teror 1937 hodu ŭ čystym vyhladzie».
Biełaruskaja nobeleŭskaja laŭreatka znachodzicca ŭ Niamieččynie ź vieraśnia 2020 na zaprašeńnie Niamieckaj słužby akademičnych abmienaŭ.