Kavidnaja katastrofa: zališniaja śmiarotnaść u Rasii za 9 miesiacaŭ skłała 360 tysiač čałaviek
Zališniaja śmiarotnaść u Rasii padčas pandemii karanavirusa, pa padlikach New York Times, u krasaviku-śniežni 2020 hoda akazałasia na 28% vyšejšaj za zvyčajnuju.
Pavodle vydańnia, za ŭkazany pieryjad u Rasii zališniaja śmiarotnaść skłała 362 tysiačy 302 čałavieki. Pry hetym, pavodle aficyjnych źviestak, z krasavika da śniežnia 2020 hoda ŭ Rasii ad karanavirusa pamierli 57 tysiač 2 čałavieki.
Pakazčyki zališniaj śmiarotnaści staviać pad sumnieŭ zajavy prezidenta Rasii Uładzimira Pucina ab tym, što Rasija lepš za mnohija inšyja krainy śvietu spraŭlajecca z pandemijaj i jaje nastupstvami.