Viciebski školnik, jaki plavaŭ na plity hierojaŭ Vialikaj Ajčynnaj, siońnia paŭdzielničaŭ u pryborcy hetych mahiłaŭ
Na minułym tydni internet ablacieła videa, dzie 11-hadovy piacikłaśnik pluje na mahiły voinaŭ Vialikaj Ajčynnaj na miemaryjale na Uśpienskaj horcy ŭ Viciebsku. Chłopčyk zapościŭ heta videa ŭ CikTok, i rolik vyklikaŭ rozhałas i abureńnie.
Desantniki 103-j Viciebskaj asobnaj pavietrana-desantnaj bryhady prydumali dosyć niestandartny chod. Jany ŭziali šefstva nad kłasam Ułada, spačatku zaprasili dziaciej u bryhadu, praviali ekskursiju ŭ muziei voinskaj słavy, raskazali pra ŭdzieł desantnikaŭ u Vialikaj Ajčynnaj. Sam chłopčyk uziaŭ tady ŭdzieł u palavym vychadzie bryhady.
Siońnia ž Uładzisłaŭ razam z vajskoŭcami paŭdzielničaŭ u naviadzieńni paradku na tym samym miemaryjalnym kompleksie na Uśpienskaj horcy, paviedamlaje Minabarony.