Dziarždepartamient nazvaŭ iłžyvymi zajavy ab datyčnaści ZŠA da sprobaŭ adchileńnia Łukašenki
Złučanyja Štaty nie majuć dačynieńnia da jakoj-niebudź zmovy z metaj adchileńnia Alaksandra Łukašenki. Pra heta zajaviŭ u niadzielu karespandentu TASS aficyjny pradstaŭnik Dziarždepartamienta.
«My bačyli paviedamleńni ŭ dziaržaŭnych ŚMI Rasii ab mierkavanaj zmovie suprać Alaksandra Łukašenki, a taksama jaho niepasrednyja śćviardžeńni ab hetym u ŚMI. Lubaja zdahadka ab tym, što ŭrad ZŠA stajaŭ za hetym ci byŭ uciahnuty ŭ sprobu zabojstva Łukašenki, źjaŭlajecca absalutna iłžyvaj», — adznačyŭ jon.
Kamientujučy zatrymańnie ŭ suviazi z datyčnaściu da płanavanaha zamachu na Łukašenku advakata Juryja Ziankoviča, jaki maje padvojnaje hramadzianstva ZŠA i Biełarusi, pradstaŭnik amierykanskaha zamiežnapalityčnaha viedamstva zajaviŭ, što Vašynhton hatovy akazać svajmu hramadzianinu konsulskuju dapamohu. «My bačyli paviedamleńni pra zatrymanaha ŭ Minsku hramadzianina ZŠA. Zaŭsiody, kali za miažoj zatrymlivajuć hramadzianina ZŠA, my hatovyja dać usie nieabchodnyja konsulskija pasłuhi», — skazaŭ jon.