Sinoptyki vykazali aściarožnuju nadzieju, kali narešcie paciapleje
Krasavickaja chaładeča amal na miesiac adstaje ad klimatyčnaha hrafika. Siaredniasutačnyja tempieratury na 5-8 hradusaŭ nižejšyja za normu. U apadkach uvohule pieravažaje śnieh. Apošni raz u XXI stahodździ taki choład u kancy krasavika stajaŭ u 2005 hodzie. Pra heta raskazali Tut.by u Biełhidramiecie.
Fota Nadziei Bužan
U aŭtorak, 27 krasavika, pachmurna, ale z prajaśnieńniami. Časam mokry śnieh i doždž. Tym nie mienš dzie-nidzie navalnicy. Unačy ad -5 da +1ºC, maksimalnaja dniom +4…+10ºC.
U Minsku ŭ aŭtorak maksimum +7, časam mokry śnieh, piša pogoda.by.
U sieradu abłokaŭ i apadkaŭ stanie mienš. Karotkačasovyja daždžy. Unačy -2…+3ºC, udzień +7…+14ºC. U Minsku ŭžo +8ºC.
U čaćvier, 29 krasavika, situacyja pačnie źmianiacca: z paŭdniovaha zachadu Jeŭropy na Biełaruś stanie pastupać bolš ciopłaja pavietranaja masa.
Udzień + 10…+17ºC, na paŭdniovym zachadzie na paru hradusaŭ ciaplej. U Minsku +12ºC.
U piatnicu, u apošni dzień miesiaca, daždžy, navalnicy. Dniom ad +8°S na poŭnačy da +22°S na poŭdni. U Minsku +14°S.
Pavodle papiaredniaha prahnozu, u vychadnyja ŭstalujecca ŭmierana ciopłaje nadvorje.