Milicyja praviaraje paviedamleńni ab miniravańni čatyroch minskich škoł, vučniaŭ evakujavali
Sa škoły №51 u Minsku, što na vulicy Drazdoviča, evakujavali vučniaŭ. Pryčyna pakul nieviadoma, paviedamlaje Tut.by.
Kala škoły staić pažarnaja mašyna. Dziaciej evakujavali.
«Paśla evakuacyi staršakłaśnikaŭ adpravili dadomu, vučni małodšych kłasaŭ — u susiedniaj škole», — raspaviali baćki.
Zatym stała viadoma ab evakuacyi i vučniaŭ siaredniaj škoły №4, što ŭ centry Minska, na vulicy Čyrvonaarmiejskaj (nasuprać histfaka).
Dziaciej z małodšych kłasaŭ adpraŭlali na čas pahrecca ŭ teatr imia Janki Kupały, raspaviali baćki.
Taksama praviarajucca paviedamleńni ab «miniravańni» škoły №144 (Krasina, 65) i №2 (Siemianiaki, 38).
Na poštu hetych ustanoŭ adukacyi pastupili elektronnyja paviedamleńni ab zakładzienaj vybuchovaj pryładzie.
«Na miesca vybyli supracoŭniki milicyi, prymajucca nieabchodnyja miery biaśpieki, pracujuć sapiorna-piratechničnyja hrupy», — piša milicyja.