Pamior akcior Kachi Kaŭsadze — Abduła z «Biełaha sonca pustyni»
Narodny artyst Hruzii Kachi Kaŭsadze, jaki prasłaviŭsia ŭ roli Čornaha Abduły ŭ filmie «Biełaje sonca pustyni», pamior va ŭzroście 85 hadoŭ u klinicy Tbilisi, paviedamlaje RBK sa spasyłkaj na telekanał Rustavi 2.
Kadr ź filma
U listapadzie 2020 hoda Kaŭsadze byŭ špitalizavany ŭ suviazi z zaražeńniem karanavirusnaj infiekcyjaj COVID-19, adnak prykładna praź miesiac vyzdaravieŭ.
Uzimku 2021 hoda znoŭ trapiŭ u reanimacyju, daktary aceńvali jaho stan jak «vielmi ciažki».
***
Kachi Kaŭsadze naradziŭsia ŭ 1935 hodzie ŭ Tbilisi, u siamji kiraŭnika Narodnaha ansambla pieśni i tanca Hruzii.
Jaho baćka David u 1941-m pajšoŭ na front, trapiŭ u pałon. U 1944 hodzie starańniami emihrantaŭ-hruzin, jakija žyli ŭ Francyi, byŭ vyzvaleny i pryjechaŭ u Francyju, dzie stvaryŭ chor. Taksama byŭ u łahiery prapahandystaŭ u Vustravie, dzie sfarmiravaŭ ansambl hruzinskich piesień i tancaŭ. Viarnuŭsia ŭ SSSR, byŭ aryštavany i adpraŭleny ŭ Sibir, dzie pamior u 1952 hodzie.
Kachi i jaho rodnaha brata, Imiery, vyklučyli z muzyčnaj škoły dla adoranych dziaciej jak synoŭ voraha naroda.