Chłopca zatrymali za BČB-skryniu ad televizara LG
27-hadovaha Andreja Parchomienku 26 krasavika zatrymali doma i advieźli ŭ Leninskaje RUUS. Pryčynaj zatrymańnia stała BČB-skrynia ad televizara LG. U RUUSie na chłopca skłali pratakoł pa art. 24.23 KaAP, paviedamlajuć pravaabaroncy
Fota ilustracyjnaje
Pa pratakole Andrej «u nieŭstanoŭleny pieryjad času pryniaŭ udzieł u pikietavańni, raźmiaściŭšy papiarovaje pałatno bieł-čyrvona-biełaha koleru na škle bałkona».
Vinu svaju Parchomienka nie pryznaŭ, bo pa jaho słovach, skryniu pakinuli minułyja žychary. U materyjałach spravy majecca čorna-biełaje fota skryni, ale sudździa Julija Inčyna vyrašyła zapytać u supracoŭnikaŭ RUUSa kalarovaje videa.
Na videa sudździa zaŭvažyła, što na aknie ŭ chłopca jašče visić niejki malunak, jaki maje bieły i čyrvony kolery. Andrej ža patłumačyŭ, što heta hierb Lepiela, na jakim prysutničajuć jašče sini i žoŭty kolery.
U vyniku sudździa Inčyna adpraviła spravu Andreja «na dapracoŭku».