U adnym ź minskich handlovych centraŭ rychtujuć punkt vakcynacyi suprać COVID-19
U siaredzinie krasavika miedyki minskich paliklinik padzialilisia płanami ab adkryćci ŭ niekatorych handlovych centrach pryščepačnych punktaŭ ad kavidu. U HRC «Ekspabieł» užo pačaŭsia mantaž centra vakcynacyi suprać COVID-19, piša Tut.by.
Tut.by
Jak rastłumačyli pradstaŭniki HZC, punkt pavinien zapracavać u najbližejšy čas: užo zakuplena nieabchodnaje dla arhanizacyi pracesu abstalavańnie.
Hałoŭnyja daktary minskich paliklinik kazali, što damoŭlenaści ab takich punktach vakcynacyi jość z administracyjami niekalkich bujnych handlovych abjektaŭ, jakija daduć niepasredna placoŭki. Usio astatniaje abiacali ŭziać na siabie miedyki.
Darečy, rabić pryščepki ŭ HZC, na spartyŭnych arenach i navat u kancertnych załach dosyć raspaŭsiudžanaja praktyka va ŭsim śviecie. Takija mabilnyja punkty dapamahajuć pryščaplać davoli vialikuju kolkaść ludziej za dzień.