U prafsajuzie REP budzie novy kiraŭnik, Vasil Zavadski źjechaŭ u Vilniu
Raniejšy kiraŭnik niezaležnaha prafsajuza rabotnikaŭ radyjoelektronnaj pramysłovaści Vasil Zavadski ad 19 krasavika skłaŭ ź siabie paŭnamoctvy staršyni.
«Prafsajuznaje žyćcio — imklivaje i burlivaje zaŭsiody, a asabliva pry siońniašnich abstavinach. Niaredka patrabujecca chutkaje reahavańnie na situacyju, pryniaćcie apieratyŭnych rašeńniaŭ.
Doŭhaje znachodžańnie ŭ vymušanym adjeździe, niemahčymaść pastajanna trymać ruku na pulsie prafsajuznaha arhanizma i paŭnavartasna ŭdzielničać u žyćciadziejnaści prafsajuza nie iduć na karyść našaj arhanizacyi. Usio vyšejzhadanaje i vymusiła mianie prasić Radu prafsajuza ab adstaŭcy z pasady staršyni», — prakamientavaŭ «NN» svajo rašeńnie spadar Zavadski.
U lutym 2020 hoda ŭ ofisie REP prajšli pieratrusy. U kanapie na kuchni byŭ znojdzieny patron. Zavadski zastaŭsia na voli, ale ŭ chutkim časie źjechaŭ ź Biełarusi ŭ Vilniu.
Na hety momant vykanaŭcam abaviazkaŭ staršyni prafsajuza źjaŭlajecca aktyvist z Oršy Vasil Bieraśnieŭ. Chto stanie novym kiraŭnikom arhanizacyi, stanie zrazumieła 22 maja.