«Emocyi — cieraz kraj»: u SIZA Bresta dziaŭčyna ŭziała šlub z palitviaźniem
27 krasavika ŭ SIZA Bresta palitviazień Viktar Pancialejeŭ raśpisaŭsia sa svajoj dziaŭčynaj Jaŭhienijaj, paviedamlaje Bresckaja hazieta.
Fota da źniavoleńnia
Na samoj cyrymonii, pa słovach niaviesty, prysutničali jana, Viktar, rehistratar i nahladčyk.
«Ja vielmi ščaślivaja. Tam nievialiki pakoj, ź ikonami, usio było vielmi pryhoža. Pryviali Viktara. Jon vielmi chvalavaŭsia, pieražyvaŭ, spačatku nie hladzieŭ navat na mianie. Usio prajšło dobra. Emocyi, viadoma, cieraz kraj. Mnie zdajecca, ź mianie ŭpaŭ niejki hruz», — padzialiłasia Jaŭhienija.
Viktara Pancialejeva zatrymali 18 žniŭnia. Jamu vystaŭlenaje abvinavačvańnie pavodle č. 2 art. 293 Kryminalnaha kodeksa Biełarusi za ŭdzieł u masavych biesparadkach 10 žniŭnia. Ciapier idzie sud.
Viktar i Jaŭhiena sustrakalisia čatyry hady, da maja 2020 hoda, a zatym rasstalisia. Ale potym dziaŭčyna daviedałasia, što Pancialejeŭ u SIZA. Jana napisała byłomu chłopcu, jon adkazaŭ, i adnosiny adnavilisia. Padčas adzinaha spatkańnia ŭ lutym 2021 hoda Viktar zrabiŭ kachanaj prapanovu.
Raniej u SIZA Bresta raśpisalisia Śviatasłaŭ i Taćciana Hierasimuki.