Minenierha prakamientavała situacyju z «uzłomam sajta» BiełAES: Heta była fišynhavaja staronka
25 krasavika źjaviłasia infarmacyja, što sajt BiełAES uzłamany, a tam raźmieščana pacłańnie-papiaredžańnie ab niebiaśpiečnaści stancyi.
Minenierha siońnia ŭ svaim telehram-kanale paviedamiła: prablemy z dostupam na aficyjny sajt BiełAES paŭstali praz padmienu IP-adrasa.
«Dla ŭkidu niedakładnaj infarmacyi złamyśniki stvaryli fišynhavuju staronku z atrybutami sajta BiełAES, kudy pieranakiroŭvalisia karystalniki sajta stancyi, — adznačajecca ŭ paviedamleńni. — A praca aficyjnaha sajta BiełAES nie parušałasia».
Pa fakcie vyjaŭleńnia padmieny IP-adrasa fišynhavaja staronka była zabłakavanaja. Vyśviatlajucca datyčnyja da incydentu asoby.
Minenierha dadaje, što ŭ suviazi z tym, što sajt BiełAES nie raźmieščany na siervierach stancyi, incydent nie niasie pahrozy dla jaje infarmacyjnych sistem.