Pamior ispanski komik Chuan Choja Borcha — toj samy rahatun ź interniet-miemaŭ
U Ispanii pamior komik i akcior Chuan Choja Borcha, viadomy ŭ internecie jak El-Rysitas abo Rahatun.
Borchie było 65 hadoŭ. U vieraśni 2020 hoda jamu amputavali nahu z-za chvaroby, z tych časoŭ jon znachodziŭsia ŭ balnicy, piša meduza.io.
Choja nabyŭ papularnaść pa ŭsim śviecie ŭ 2015 hodzie dziakujučy virusnamu videa na jutubie — heta byŭ zapis jaho źjaŭleńnia na tok-šou «Ratones Coloraos» 2002 hoda.
Na šou Choja raspaviadaŭ historyju ab svajoj pracy pasudymyjščykam u restaranie na plažy — pa jaho słovach, uviečary jon pakinuŭ u adkrytym mory admakać patelni, a ranicaj ich źniesła z adlivam.
Śmiech Choi padčas apoviedu staŭ abjektam parodyj — ich aŭtary pakidali aryhinalnuju videa- i aŭdyjodarožku na ispanskaj movie, i nakładvali na ich subcitry na inšych movach.