Suprać Navalnaha zaviali jašče adnu kryminalnuju spravu
Śledčy kamitet Rasii raspačaŭ novuju kryminalnuju spravu ŭ dačynieńni da Alaksieja Navalnaha — pa fakcie stvareńnia niekamiercyjnaj arhanizacyi, jakaja pasiahaje na asobu i pravy hramadzian.
TASS
Pra heta TASS paviedamiła krynica ŭ pravaachoŭnych orhanach.
Pa hetym artykule palityku pahražaje maksimalnaje pakarańnie da troch hadoŭ pazbaŭleńnia voli.
«Razam ź im padazravanymi prachodziać Leanid Vołkaŭ i Ivan Ždanaŭ», — dadaŭ surazmoŭca ahienctva.
Infarmacyja ab novaj kryminalnaj spravie ŭ dačynieńni da Navalnaha, Vołkava i Ždanava ŭtrymlivajecca ŭ materyjałach iskavaj zajavy prakuratury ab pryznańni Fondu baraćby z karupcyjaj ekstremisckaj arhanizacyjaj.
Alaksiej Navalny znachodzicca za kratami z 17 studzienia. Jon byŭ zatrymany adrazu paśla viartańnia ŭ Maskvu ź Niamieččyny, dzie prachodziŭ lačeńnie paśla atručvańnia jadam hrupy «Navičok». Navalnamu zamianili ŭmoŭny termin na realny (prykładna 3,5 hoda) pa spravie «Iŭ Raše». Z 31 sakavika pa 24 krasavika jon trymaŭ haładoŭku, patrabujučy dapuścić da jaho cyvilnaha doktara.