Minabarony: Biełaruskuju pavietranuju miažu z boku Polščy parušyŭ viertalot
Minabarony paviedamlaje, što 29 krasavika ŭ 2 hadziny 2 chviliny ŭ rajonie Kazłovičaŭ srodkami radyjołakacyjnaj raźviedki VPS i vojskaŭ SPA va ŭzajemadziejańni z orhanami pamiežnaj słužby zafiksavana paŭtornaje na praciahu miesiaca parušeńnie dziaržaŭnaj miažy z boku Polščy.
Viertalot-parušalnik Mi-24 pakinuŭ krainu ŭ 2 hadziny 3 chviliny ŭ rajonie nasielenaha punkta Cierabuń. Pavietranaje sudna supravadžałasia srodkami SPA.
30 krasavika ŭ biełaruskaje abaronnaje viedamstva byŭ vyklikany polski ataše pa pytańniach abarony, jakomu «była vykazana zakłapočanaść častymi vypadkami parušeńnia dziaržaŭnaj miažy Respubliki Biełaruś, a taksama zajaŭlena ab nieabchodnaści praviadzieńnia razboru pa hetym fakcie i infarmavańnia biełaruskaha boku ab jaho vynikach».
Taksama polskamu vajskovamu dypłamatu było ŭkazana na adsutnaść da hetaha času vynikaŭ razboru pa fakcie parušeńnia dziaržaŭnaj miažy 12 krasavika.