U Indyi čarhovy rekord: 400 tysiač vypadkaŭ u dzień
Za minułyja sutki ŭ Indyi dyjahnastavali 401 993 novych vypadkaŭ zaražeńnia COVID-19, što stała rekordam z pačatku pandemi. Za apošnija sutki ŭ krainie pamierli 3523 čałavieki.
Jak adznačaje The Times of India, užo dziesiatyja sutki zapar štodzionny pryrost novych vypadkaŭ karanavirusnaj infiekcyi pieravyšaje 300 tysiač.
Ź vieraśnia pa luty tempy raspaŭsiudžvańnia epidemii ŭ Indyi źnižalisia, dasiahnuŭšy na minimumie 9 tysiač novych vypadkaŭ u sutki. Adnak z kanca lutaha pačaŭsia imklivy rost kolkaści vypadkaŭ, što dało padstavu premjer-ministru Narendra Modzi zajavić pra «karanavirusny štorm».
Pa absalutnaj kolkaści dyjahnastavanych vypadkaŭ COVID Indyja znachodzicca na druhim miescy ŭ śviecie, sastupajučy tolki ZŠA, dzie zafiksavali bolš za 33 młn chvorych.
U adnosnym vymiareńni Indyja zajmaje 114 miesca ŭ śviecie — 13 776 zaražeńniaŭ na 1 młn žycharoŭ.
Biełaruś na 76-m miescy, u nas 37 975 na 1 młn vypadkaŭ.