U Hłybockim rajonie pierakuliŭsia mahutny «Kiraviec». Ratavalnikam daviałosia dastavać kiroŭcu, zrezaŭšy rul FOTY
Zdareńnie adbyłosia ŭ piatnicu, 30 krasavika, u vioscy Bortniki, paviedamlaje kraj.by. Tam pierakuliŭsia traktar «Kiraviec». Dastavać 46-hadovaha kiroŭcu z kabiny daviałosia vyratavalnikam.
Kiroŭcu zacisnuła ŭ kabinie, i samastojna jon vybracca nie moh. Kab vyciahnuć traktarysta, pryjšłosia spačatku pryŭzdymać «Kiraviec» pry dapamozie traktara «Amkador».
Zatym rabotnik MNS zabraŭsia ŭ kabinu i zrezaŭ rul, jakim była prycisnutaja pravaja naha traktarysta. Paśla hetaha jaho vyciahnuli z kabiny.
Kiroŭcu pieradali bryhadzie chutkaj miedycynskaj dapamohi, jakaja adviezła jaho ŭ balnicu.