U Armienii pašyrajuć rasijskuju vajskovuju bazu
Na poŭdni Armienii ŭ Siunikskaj vobłaści stvoranyja dva apornyja punkty 102-j rasijskaj vajskovaj bazy. Pra heta, vystupajučy ŭ parłamiencie, paviedamiŭ vykanaŭca abaviazkaŭ premjera krainy Nikoł Pašynian, pieradajuć infarmahienctvy.
«Heta dadatkovaja harantyja dla zabieśpiačeńnia biaśpieki nie tolki Siunikskaj vobłaści, ale i Armienii», — zajaviŭ jon. Pa słovach Pašyniana, abaronu ŭsich miežaŭ krainy ažyćciaŭlaje armiana-rasijskaja sumiesnaja hrupoŭka vojskaŭ.
Siunikskaja vobłaść miažuje ŭ tym liku z rajonami Nahornaha Karabacha, jakija byli zaniatyja azierbajdžanskaj armijaj padčas uzbrojenaha kanfliktu ŭ kancy minułaha hoda. Pra toje, što Armienija viadzie z Rasijaj pieramovy ab stvareńni tam novaha apornaha punkta rasijskaj bazy, Pašynian paviedamiŭ u pačatku krasavika.
Za niekalki dzion da hetaha Pašynian sustreŭsia ŭ Kramli z rasijskim prezidentam Uładzimiram Pucinym.
102-ja vajskovaja baza składajecca ź niekalkich harnizonaŭ (u Hiumry i Jerevanie). Kolkaść asabovaha składu — kala 4 tysiač čałaviek. Jana abstalavanaja zienitna-rakietnymi kompleksami S-300, źniščalnikami Mih-29, viertalotami Mi-24P i Mi-8MT.