Jak mohuć razhortvacca padziei va Ŭkrainie?
U Viarchoŭnaj Radzie Ŭkrainy źmianiŭsia balans siłaŭ. Na pasadu premjera prapanavanaja kandydatura Viktara Janukoviča, hałoŭnaha supiernika prezydenta Viktara Juščanki. Kandydaturu Janukoviča padtrymała Partyja rehijonaŭ, sacyjalisty i kamunisty, jakija naprykancy minułaha tydnia, u piatnicu ŭtvaryli svaju kaalicyju. Raniej lider sacyjalistaŭ Alaksandar Maroz vyjšaŭ z «aranžavaj kaalicyi» ŭ abmien na miesca śpikiera. Tym časam kala budynku Viarchoŭnaj Rady sabralisia niekalki sotniaŭ prychilnikaŭ «aranžavaj revalucyi».
U Viarchoŭnaj Radzie Ŭkrainy źmianiŭsia balans siłaŭ. Na pasadu premjera prapanavanaja kandydatura Viktara Janukoviča, hałoŭnaha supiernika prezydenta Viktara Juščanki. Kandydaturu Janukoviča padtrymała Partyja rehijonaŭ, sacyjalisty i kamunisty, jakija naprykancy minułaha tydnia, u piatnicu ŭtvaryli svaju kaalicyju. Raniej lider sacyjalistaŭ Alaksandar Maroz vyjšaŭ z «aranžavaj kaalicyi» ŭ abmien na miesca śpikiera. Tym časam kala budynku Viarchoŭnaj Rady sabralisia niekalki sotniaŭ prychilnikaŭ «aranžavaj revalucyi».
Analityki razhladajuć pytańnie, jakim čynam moža źmianicca źniešniaja palityka Ŭkrainy pry ŭradzie Viktara Janukoviča, lidera Partyi rehijonaŭ.
Prezydent Viktar Juščanka maje 15 dzion, kab pryniać rašeńnie adnosna kandydatury Viktara Janukoviča, – 15 dzion na toje, kab praanalizavać jaho mahčymyja plany palityčnych i ekanamičnych reformaŭ. I, viadoma, adnosna źniešniaj palityki».
Alaksandr Suško, kiraŭnik kijeŭskaha «Centra Miru, kanversii i źniešniaj palityki», kaža, što z prychodam Viktara Janukoviča samaja ideja adnosna dałučeńnia Ukriny da NATO budzie pierahledžanaja. Partyja rehijonaŭ suprać dałučeńnia Ukrainy da NATO, tak što, pavodle analityka, navat prapanavany referendum pa hetym pytańni mała što źmianiaje.
Vyniki niadaŭnich apytańniaŭ śviedčać, što pazycyja Janukoviča adnosna NATO adlustroŭvaje nastroi mnohich ukraincaŭ.
Kali Janukovič pryjdzie da ŭłady, Juščanka taksama moža sutyknucca z supracivam uradu idei intehracyi ŭ Eŭraźviaz.
Ukrainski analityk Aleksandr Suško skazaŭ našamu radyjo, što prychilniki Janukoviča majuć dosyć niapeŭnuju pazycyju što da eŭraintehracyi – jany nie vystupajuć całkam suprać, ale nia voźmuć na siabie nijakich surjoznych abaviazańniaŭ, – heta budzie pazycyja, padobnaja padychodu Leanida Kučmy, jaki byŭ va ŭładzie da 2004 hodu. A.Suško adznačyŭ, što V.Janukovič vystupaje za blizkija dačynieńni z Rasiejaj i SND, ale nia maje kankretnaj prahramy pieramovaŭ z Rasiejaj adnosna enerharesursaŭ.
Ź im zhodny inšy ŭkrainski analityk, Alaksiej Kałamijec, jaki ačolvaje ŭ Kijevie «Centar eŭrapiejskich i transatlantyčnych daśledavańniaŭ», adnak jon zaŭvažaje, što chacia Partyja rehijonaŭ i prarasiejskaja, naŭrad ci jana stvoryć takija blizkija dačynieńni z Maskvoj, jak Biełaruś ci Ŭzbekistan. Pavodle jaho, kožny ŭrad budzie vymušany ličycca ź mierkavańniami Zachodniaj Ukrainy.
U apošnim vydańni tydnioviku «Time» u artykule, pryśviečanym analizu mahčymych źmienaŭ ukrainskaj palityki, adznačajecca što, kali Janukovič budzie premjeram, jaho ŭrad, padobna, uviadzie novyja padatki, ablehčyć cisk na kampanii, jakija raniej pa vyhodnych koštach kupili jaho siabry, i paprosić Rasieju ŭ abmien na lajalnaść źnizić košty na haz.
Ukrainskija analityki adznačajuć taksama, što sproby źmianić prazachodniuju palityku Ŭkrainy z boku ŭradu buduć blakavacca prezydentam, što zrobić novy kabinet nieefektyŭnym. Eks-premjer Julija Cimašenka ŭčora ŭžo zaklikała da novych parlamenckich vybaraŭ, što, pavodle jaje, źjaŭlajecca adzinym vyjściem z kryzysu. Prezydent Viktar Juščanka pakul nie kamentuje prapanovaŭ novych vybaraŭ.