Aŭtarytetnaja francuzskaja farmaceŭtyčnaja kampanija zajaviła pra stvareńnie kavid-vakcyny «ź vialikim patencyjałam»
Francuzskaja farmaceŭtyčnaja kampanija Sanofi sumiesna z brytanskim partnioram GSK paviedamiła ab paśpiachovym zaviaršeńni druhoha etapu testavańnia svajoj vakcyny suprać COVID-19. Vyprabavańni pakazali vysoki ŭzrovień vypracoŭki antyciełaŭ paśla adnoj dozy preparata.
Pra heta paviedamlaje pres-słužba francuzskaj kampanii, piša RBK-Ukraina.
Adznačajecca, što pramiežkavyja vyniki druhoj fazy pakazali ad 95% da 100% vypracoŭki antyciełaŭ paśla druhoj injekcyi va ŭsich uzrostavych hrupach (ad 18 da 95 hadoŭ).
«Paśla adnoj injekcyi va ŭdzielnikaŭ (daśledavańnia) vyjaŭlaŭsia vysoki ŭzrovień antyciełaŭ da SARS-CoV-2, što śviedčyć ab vialikim patencyjale vakcyny», — havorycca ŭ paviedamleńni.
Adznačajecca, što ŭ druhim etapie daśledavańniaŭ udzielničali 722 dobraachvotniki.
Čakajecca, što ŭ nastupnyja tydni pačniecca asnoŭnaje daśledavańnie ŭ ramkach treciaj fazy. Na hetym etapie da testavańnia płanujuć pryciahnuć 35 000 darosłych čałaviek z šyrokaha koła krain. Miarkujecca vyjaŭleńnie ŭzroŭniu efiektyŭnaści suprać kłasičnaha varyjantu karanavirusa z Uchania i paŭdniova-afrykanskaha štamu.
U vypadku paśpiachovych vyprabavańniaŭ vakcyna moža być zaćvierdžana ŭ čaćviortym kvartale 2021 hoda.