Hałoŭny sanitarny doktar raspavioŭ, kolki kaštuje vakcyna dla adnaho biełarusa
Sabiekošt vakcyny «Sputnik V» aryjentyrovačna 52 rubli, raspavioŭ namieśnik ministra achovy zdaroŭja — hałoŭny dziaržaŭny sanitarny doktar Alaksandr Tarasienka — u efiry STB.
«Aryjentyrovačna 52 rubli. Heta dva kampanienty, — skazaŭ Alaksandr Tarasienka, adkazvajučy na pytańnie pra sabiekošt vakcyny. — Možam pamnažać na 5,5 młn nasielnictva, jakoje płanujem pryščapić da kanca hoda, i atrymajecca ŭsia suma. Heta tolki sabiekošt vakcyny, nie uklučajučy raschodnyja materyjały».
«Vakcyna Pfizer pieršapačatkova prapanoŭvałasia pa košcie kala $80. Ja dumaju, nie kožny b addaŭ takuju sumu za vakcynu, a dla dziaržavy heta byli b peŭnyja vydatki», — skazaŭ Alaksandr Tarasienka.
Ministerstva achovy zdaroŭja stavić zadaču vakcynavać nie mienš za 60% nasielnictva krainy da kanca hoda.