Łukašenka: Rola Rady biaśpieki pavinna być uzmocniena
Alaksandr Łukašenka pravodzić pasiadžeńnie Rady biaśpieki, na jakim abmiarkoŭvajecca pavyšeńnie roli hetaha kalehijalnaha orhana ŭ žyćci dziaržavy, pieradaje BiełTA.
BiełTA
Pasiadžeńnie Rady biaśpieki pravodzicca, kab praciahnuć razmovu ab pavyšeńni roli hetaha kalehijalnaha orhana ŭ žyćci dziaržavy. «U tym liku ŭ pytańniach abarony niezaležnaści, terytaryjalnaj cełasnaści, suvierenitetu i kanstytucyjnaha ładu Biełarusi, padtrymańnia hramadzianskaha miru i zhody, procidziejańnia ekstremizmu i teraryzmu», — skazaŭ Alaksandr Łukašenka.
Rola i paŭnamoctvy Rady biaśpieki pavinny być suvymiernyja z ryzykami i pahrozami ciapierašniaha času, padkreśliŭ Łukašenka. «Tym, chto siońnia refleksuje ŭ sietkach i miesiendžarach na novy dekret i nie vałodaje pytańniem, patłumaču. Rada biaśpieki — heta nie adny siłaviki», — adznačyŭ Łukašenka. Jon źviarnuŭ uvahu, što siarod pastajannych členaŭ Rady biaśpieki pałova słužbovych asob — cyvilnyja ludzi: kiraŭniki ŭrada, abiedźviuch pałat parłamienta i Administracyi prezidenta.
Łukašenka taksama nahadaŭ, što dadzieny Kanstytucyjny orhan zabiaśpiečvaje realizacyju paŭnamoctvaŭ kiraŭnika dziaržavy ŭ śfiery zabieśpiačeńnia nacyjanalnaj biaśpieki, u tym liku jak hałoŭnakamandujučaha ŭzbrojenymi siłami. «Naturalna, što ŭ jaho składzie jość i zaŭsiody buduć kiraŭniki siłavych struktur», — adznačyŭ jon.
«Najvažniejšaj zadačaj Rady biaśpieki byŭ i zastajecca razhlad pytańniaŭ unutranaj i źniešniaj palityki ŭ kantekście nacyjanalnaj biaśpieki», — kanstatavaŭ Łukašenka. Jon taksama źviarnuŭ uvahu, što dziejnaść usich dziaržaŭnych orhanaŭ u pieraadoleńni sučasnych vyklikaŭ i pahroz pavinna być nie tolki efiektyŭnaj, ale i maksimalna skaardynavanaj.
«Uličvajučy ahresiŭnyja sproby pieratvaryć Biełaruś, pa terminałohii ZŠA, u «dziaržavu, jakaja nie adbyłasia», my pavinny zamacavać za Radaj biaśpieki novyja kankretnyja, žyćciova važnyja funkcyi.
Takoje pašyreńnie paŭnamoctvaŭ budzie spryjać zabieśpiačeńniu stabilnaj i biaśpiečnaj pracy ŭsioj dziaržavy i kožnaha čałavieka, — skazaŭ Alaksandr Łukašenka. — Usio heta pytańni abarony suvierenitetu i kanstytucyjnaha ładu, ab jakich havorycca ŭ padpisanym mnoj 9 maja dekrecie».