U Śvietłahorsku z čaćviortaha paviercha vypała dzicia. Chłopčyk ź ciažkimi traŭmami ŭ balnicy
U Śvietłahorsku 17 maja prykładna ŭ 20:40 z bałkona kvatery na čaćviortym paviersie vypała trochhadovaje dzicia. Ź ciažkimi traŭmami dzicia špitalizavali, piša SK.
Ustanoŭlena, što ŭčora ŭviečary mały razam z baćkam i dvuma siostrami 5 i 8 hadoŭ byŭ doma.
Pa słovach mužčyny, prykładna ŭ 20:30 jon pakinuŭ dziaciej adnych i na niepraciahły čas syšoŭ u kramu. U hety čas chłopčyk vyjšaŭ na bałkon, zabraŭsia na stolik, jaki stajaŭ kala adčynienaha akna i vypaŭ na vulicu. Paviedamleńnie miedykam pastupiła ad žycharki kvatery na pieršym paviersie, jakaja pačuła płač dziciaci.
Pravierku pa hetym fakcie pravodzić Śvietłahorski RASK.
Pavodle najaŭnaj infarmacyi siamja znachodzicca ŭ sacyjalna-niebiaśpiečnym stanoviščy. Na momant zdareńnia maci razam z dvuchhadovym synam znachodziłasia na lačeńni ŭ Minsku.