Vakcyny Pfizer i AstraZeneca pakazali efiektyŭnaść suprać indyjskaha štama karanavirusa
Amierykanskaja vakcyna Pfizer/BioNTech i brytanskaja AstraZeneca dosyć efiektyŭnyja suprać indyjskaha štama COVID-19. Pra heta kažuć vyniki daśledavańnia Słužby hramadskaha achovy zdaroŭja Anhlii, piša RBK.
Pfizer pakazaŭ efiektyŭnaść u 88% suprać indyjskaha štama AstraZeneca — 60% praz dva tydni paśla atrymańnia druhoj dozy. Praz try tydni abiedźvie vakcyny pakazali efiektyŭnaść u 50%.
«Ja ŭsio bolš pierakonvajusia ŭ tym, što my znachodzimsia na šlachu da realizacyi «darožnaj karty», tamu što hetyja danyja pakazvajuć, što vakcyna paśla dvuch doz pracuje efiektyŭna (suprać indyjskaha varyjanta)», — zajaviŭ ministr achovy zdaroŭja Vialikabrytanii Met Chenkak.
U kancy minułaha hoda ŭ Indyi zafiksavali novuju mutacyju karanavirusa B. 1. 617.2.
11 maja ekśpiert Suśvietnaj arhanizacyi achovy zdaroŭja (SAAZ) Maryja van Kierkchovie zajaviła, što štam karanavirusa B.1. 617 vyklikaje «hłabalnaje niepakoj». U SAAZ miarkujuć, što hety štam bolš zarazny.