Rasija nie dazvoliła rejsu Austrian Airlines prybyć nie praź Biełaruś
Rasijski bok nie vydaŭ dazvoł aŭstryjskaj avijakampanii Austrian Airlines na prybyćcio jaje rejsa ź Vieny ŭ Maskvu ŭ čaćvier pa alternatyŭnym maršrucie, jaki prachodziŭ nie praz pavietranuju prastoru Biełarusi.
Wikimedia Commons
Pra heta paviedamiła ŭ čaćvier TASS pradstaŭnica hetaha aŭstryjskaha avijapieravozčyka.
«Austrian Airlines prypyniła paloty nad pavietranaj prastoraj Biełarusi da dalejšaha paviedamleńnia na padstavie rekamiendacyi ahienctva avijacyjnaj biaśpieki JEZ (EASA).
Z hetaj pryčyny taksama nieabchodna skarektavać maršrut palotu ź Vieny ŭ Maskvu. Źmiena maršrutu palotu pavinna być ŭchvalena ŭładami. Rasijskija ŭłady nie dali nam hety dazvoł. U vyniku Austrian Airlines była vymušanaja skasavać siońniašni rejs ź Vieny ŭ Maskvu», — paviedamili ŭ Austrian Airlines u adkaz na prośbu prakamientavać skasavańnie ranišniaha rejsa ź Vieny ŭ Maskvu ŭ čaćvier.