Palicejskim, što padkinuli narkotyki rasijskamu žurnalistu Hałunovu, dali ad 5 da 12 hadoŭ kałonii
Maskoŭski haradski sud vynies prysud byłym palicejskim, abvinavačanym u fabrykacyi kryminalnaj spravy suprać karespandenta «Mieduzy» Ivana Hałunova.
Iharu Lachaŭcu sud pryznačyŭ pakarańnie ŭ vyhladzie 12 hadoŭ pazbaŭleńnia voli ŭ kałonii ahulnaha režymu. Maksim Umietbajeŭ, Raman Fieafanaŭ i Akbar Sierhalijeŭ atrymali pa vosiem hadoŭ kałonii ahulnaha režymu, piša meduza.io.
Dzianis Kanavałaŭ, jaki pryznaŭ svaju vinu, prysudžany da piaci hadoŭ pazbaŭleńnia voli.
Fihuranty spravy pazbaŭlenyja zvańniaŭ, taksama im paśla adbyćcia terminu ŭ kałonii budzie na praciahu čatyroch hadoŭ zabaroniena zajmać pasady ŭ pravaachoŭnych orhanach.
Sprava žurnalista Ivana Hałunova, što zajmaŭsia rasśledavańniami, u červieni 2019 hoda mieła vialiki rezanans, i dziakujučy salidarnaści žurnalistaŭ i hramadstva žurnalist byŭ vyzvaleny.