Biełaruskija turapieratary prypyniajuć prodaž turaŭ u Čarnahoryju, Bałharyju i Ałbaniju
Na 29 i 30 maja admienienyja rejsy avijakampanii «Biełavija» pa maršrucie Minsk — Civat — Minsk, paviedamlaje telehram-kanał «Čarnahoryja — naviny». Biełaruskija turysty čakajuć infarmacyju ab vyvaznych rejsach z Čarnahoryi.
«Ałatan Tur» paćvierdziŭ, što prodaž pakietaŭ u Bałharyju i Ałbaniju taksama prypynieny, paviedamlaje Tut.by u svaim telehram-kanale.
U Travel House adkazali nastupnaje: «Čakajem aficyjnaj infarmacyi ad turapierataraŭ i «Biełavii», pakul admienienyja rejsy tolki ŭ Bałharyju, Ałbaniju i Čarnahoryju. Kali maršruty ablotu buduć raspracavanyja, to tury adbuducca».
Nahadajem, što ŭ vyniku incydentu z samalotam Ryanair jeŭrapiejskija krainy ŭvodziać zabaronu na palot biełaruskich avijakampanij. Siońnia taksama stała viadoma, što z 29 maja zakryvaje pavietranuju prastoru Ukraina. Heta tyčycca i tranzitnych palotaŭ.