Pucin zajaviŭ, što intehracyja Rasii i Biełarusi pavinna iści nie śpiašajučysia
Prezident Rasii Uładzimir Pucin upeŭnieny, što intehracyja ŭ sajuznaj dziaržavie pavinna iści ŭ adpaviednaści ź intaresami bakoŭ i bieź śpieški. Pra heta Pucin zajaviŭ u Sočy na sustrečy z Alaksandram Łukašenkam, piša TASS.
«My z vami zajmajemsia pytańniami budaŭnictva sajuznaj dziaržavy, my robim heta, jak i damaŭlalisia, zychodziačy z taho, kab zabiaśpiečyć intaresy jak Biełarusi, tak i Rasii», — skazaŭ kiraŭnik rasijskaj dziaržavy ŭ piatnicu na sustrečy z palitykam Alaksandram Łukašenkam. «Ruchajemsia ŭ hetym kirunku ŭpeŭniena, hetaja praca daje ŭžo kankretnyja vyniki našym hramadzianam», — adznačyŭ Pucin.
Na jaho dumku, «pytańnie tolki ŭ tym, kab rabić usio paśladoŭna, nie śpiašajučysia, nie zabiahajučy napierad, a dziejničajučy paetapna, majučy na ŭvazie jakraz zabieśpiačeńnie našych intaresaŭ, jak kožny z bakoŭ heta sam dla siabie vyznačyć».