Ukraina padrychtavała svaje sankcyi suprać prychilnikaŭ Łukašenki
Ministerstva zamiežnych spraŭ Ukrainy padrychtavała pakiet sankcyj suprać hramadzian Biełarusi, jakija padtrymlivajuć režym Alaksandra Łukašenki, piša Interfaks.
Ab hetym zajaviŭ namieśnik ministra zamiežnych spraŭ Ukrainy Jaŭhien Jenin.
Pavodle jaho słoŭ, padrychtavany pakiet užo byŭ pieradadzieny na razhlad u Radu nacyjanalnaj biaśpieki i abarony Ukrainy.
«Spadziajomsia, što ŭ najbližejšy čas hety pakiet budzie razhledžany, i śledstvam adpaviednych rašeńniaŭ stanie ŭkaz prezidenta», — adznačyŭ Jenin.
Jon udakładniŭ, što płanujecca ŭvodzić sankcyi suprać tych hramadzian Biełarusi, jakija «brali ŭdzieł u falsifikacyjach vybaraŭ i represijach suprać svaich suajčyńnikaŭ».