Žurnalistku Hrodna.life Irynu Novik źmiaścili ŭ izalatar da suda
Redaktara śpiecprajektaŭ Hrodna.life Irynu Novik źmiaścili ŭ izalatar časovaha ŭtrymańnia da suda.
Vierahodna, sud projdzie zaŭtra ci paślazaŭtra.
Irynu buduć sudzić jak fizičnuju asobu pa art. 19.11 KaAP «Raspaŭsiud infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść».
Irynu Novik zatrymali siońnia. U niadzielu pa anałahičnaj spravie byŭ zatrymany hałoŭny redaktar Hrodna.life Alaksiej Šota, ale jaho adpuścili da suda. Paźniej jon raspavioŭ, što zaviedziena administracyjnaja sprava «za ekstremizm», u paniadziełak na sajcie źjaviłasia navina ź ilustracyjaj z vadzianym znakam adnaho z telehram-kanałaŭ, pryznanych ekstremisckimi. Ilustracyju chutka vydalili.