U Breście mužčyna pasvaryŭsia z žonkaj, jakaja padała na razvod, abliŭ kvateru bienzinam i padpaliŭ
Nadzvyčajnaje zdareńnie adbyłosia ranicaj 15 červienia, paviedamlaje Śledčy kamitet. Pjany 31-hadovy mužčyna abliŭ svaju dvuchpakajovuju kvateru pryniesienym z saboj bienzinam i padpaliŭ. U 11.30 paviedamleńnie ab pažary pastupiła ŭ MNS, pažar jaho supracoŭniki likvidavali.
Za niekalki dzion da padpału mužčyna pasvaryŭsia z žonkaj z-za taho, što jana padała na razvod.
U vyniku ahniom źniščany i paškodžany ŭnutranaja azdoba ścien, stoli i padłohi, dźviery, elektrapravodka i elektraabstalavańnie, jakoje znachodziłasia ŭ kvatery. Paciarpiełych niama.
U dačynieńni da bieraściejca zaviedziena kryminalnaja sprava pa č. 2 art. 218 (naŭmysnaje źniščeńnie i paškodžańnie majomaści, ździejśnienaje ahulnaniebiaśpiečnym sposabam) KK RB.