Na opiernuju zorku Laŭčuk zaviali kryminalnuju spravu za epizod z klipa
Kryminalnuju spravu za źniavahu dziaržaŭnaha ściaha raspačała Hienprakuratura Biełarusi. Padazravanaja — viadomaja opiernaja śpiavačka Marharyta Laŭčuk. Pra heta jana napisała ŭ svaim fejsbuku.
Skrynšot ź videa.
Hienieralnaja prakuratura zaviała kryminalnuju spravu. Pavodle materyjałaŭ, niejkaja «Ł., 1990 hoda naradžeńnia» (havorka idzie pra Laŭčuk) nibyta vyrabiła videazapis sa scenami «abraźlivych i bluźnierskich dziejańniaŭ u dačynieńni da dziaržaŭnaj simvoliki».
Nibyta Laŭčuk kinuła ściah na ziamlu, a zatym pakłała jaho ŭ kantejnier dla śmiećcia. Videazapis raźmiaścili na videa-chostynhu YouTube.
Dziejańni kvalifikavanyja pa art. 370 Kryminalnaha kodeksa Respubliki Biełaruś.
Marharyta Laŭčuk u 2020 hodzie padtrymała ruch za svabodnyja vybary. U vyniku jaje razam z hrupaj inšych zorak zvolnili z Opiery. U apošnija miesiacy jana stała zapisvać pieśni ŭ styli palityčnaha kabare, jakija nabyli vializnuju papularnaść. Jaje klipy źbirajuć sotni tysiač prahladaŭ za niekalki tydniaŭ.