Vinšavańnie Łukašenki z Dniom niezaležnaści
Darahija suajčyńniki!
Sardečna vinšuju vas z hałoŭnym dziaržaŭnym śviatam — Dniom Niezaležnaści Respubliki Biełaruś i vialikaj histaryčnaj dataj — 65‑hodździem vyzvaleńnia našaj Radzimy ad niamiecka‑fašysckich zachopnikaŭ.
Dla biełaruskaha naroda vyhnańnie ahresaraŭ uvasablaje pieramohu spraviadlivaści, svabodalubstva i žyćcieŭstojlivaści nad pryhniotam, varvarstvam i nasillem.
Viečnaja słava hierojam‑pieramožcam!
U samy trahičny pieryjad historyi vy nie dali rastaptać i pastavić na kaleni rodnuju Biełaruś.
Ziamny pakłon usim, chto nie škadavaŭ siabie na froncie i ŭ tyle, nabližajučy Dzień Vyzvaleńnia!
Jon maje pieršaradnaje značeńnie dla našaj suvierennaj dziaržavy. Heta — simvał nacyjanalnaha honaru, dobleści i słavy, duchoŭnaja śviatynia, jakaja akazvaje vialiki ŭpłyŭ na farmiravańnie samaśviadomaści i charaktaru ciapierašnich pakaleńniaŭ biełarusaŭ. Dapamahaje nam dastojna pieraadolvać ciažkaści i ŭpeŭniena iści da namiečanaj mety.
Straciŭšy kožnaha treciaha svajho žychara i źviedaŭšy ŭsie žachi vajny, Biełaruś siońnia na mižnarodnaj arenie aktyŭna i paśladoŭna vystupaje za vyrašeńnie sprečnych pytańniaŭ šlacham pierahavoraŭ, za niedapuščeńnie novych kanfliktaŭ.
Pieramoha nad fašyzmam u Vialikaj Ajčynnaj vajnie — abjadnalny pačatak dla miralubivych sił roznych krain i narodaŭ.
Kali my razam — my niepieramožnyja. Nichto i nikoli nie zmoža złamać nas, zapałochać, źbić z vybranaha šlachu pabudovy mocnaj i praćvitajučaj Biełarusi.
Ad usioj dušy žadaju vam, pavažanyja suajčyńniki, nievyčerpnaj enierhii, mocnaha zdaroŭja, ščaścia i dabrabytu.