SK patłumačyŭ, čamu Ramana Pratasieviča i Sofju Sapiehu pieraviali pad chatni aryšt
Viedamstva prakamientavała spravu zatrymanych 23 maja ŭ Minsku ŭ vyniku pasadki samalota Ryanair Ramana Pratasieviča i Sofji Sapiehi.
Śledčym kamitetam Biełarusi praciahvajecca rasśledavańnie kryminalnych spraŭ u dačynieńni da Sofji Sapiehi i Ramana Pratasieviča.
«Abvinavačanyja dajuć paśladoŭnyja pryznalnyja pakazańni i ŭ adpaviednaści z zakanadaŭstvam jany raniej źviarnulisia z chadajnictvam ab zaklučeńni dasudovaha pahadnieńnia ab supracoŭnictvie sa śledstvam.
U chadajnictvie jany abaviazalisia akazvać sadziejničańnie papiaredniamu śledstvu ŭ rasśledavańni złačynstvaŭ, vykryćci saŭdzielnikaŭ, ažyćciaŭlać usio mahčymaje dla zahładžvańnia škody, pryčynienaj złačynstvami. Zychodziačy z hetaha i paśla razhladu zvarotu abvinavačanych ab źmienie miery strymańnia śledstva paličyła mahčymym źmianić jaje na chatni aryšt», — tłumačyć SK.