Futbolny ahient Valeryj Isajeŭ napisaŭ 510 listoŭ palitviaźniam
Svaim dasiahnieńniem Valeryj Isajeŭ padzialiŭsia ŭ fejsbuku. Na heta ŭ jaho pajšło krychu bolš čym miesiac.
«Nu ŭsio, siońnia apošnija 10 listoŭ pa śpisie sajta štaba Babaryki. Z upeŭnienaściu mahu skazać, hety prajekt samy karysny, infarmatyŭny i aktualny. Daviedaŭsia vielmi šmat novaha ab Biełarusi. Nie dumaŭ, što ŭ takoj maleńkaj krainie stolki nie takich addalenych miescaŭ.
Pačaŭ pisać 12 traŭnia ź piaci listoŭ u dzień. Chaciełasia chutčej skončyć — apošnija dni pa 25. Skončyŭ 23 červienia. 510 kanviertaŭ i paštovak, 5 hielevych stryžniaŭ. Za ŭvieś čas 12 adkazaŭ. 3 viartańni, i adrazu byli paznačany na kanviercie vielmi radasnyja pryčyny «vyzvaleny». Treci kanviert viarnuŭsia z nadpisam «adrasat pa ŭkazanym adrasie nie znachodzicca», list Vitoldu Ašurku… Usim 12 adkazaŭ užo jak blizkim, pa-inšamu nielha adkazvać na toje, što tam napisana.
Spadziajusia, prajekt u najbližejšy čas nie budzie pavialičvacca kolkasna. Asabliva budu čakać zvaroty z pryčynaj nieŭručeńnia — vyzvaleńnie. I, viadoma, adkažu kožnamu z nadziejaj, što zvarotny adras budzie ŭkazany chatni», — napisaŭ Isajeŭ u svaim paście.