Z-za škvału zahinuła žančyna, na jaje ŭpała dreva — u MNS padviali vyniki subotniaj stychii
Trahičnaje zdareńnie ŭčora adbyłosia ŭ vioscy Paŭłaŭščyna, što ŭ Dziaržynskim rajonie.
Jak paviedamlaje MNS, na 50-hadovuju žančynu ŭpała dreva.
Usiaho zafiksavali 29 vypadkaŭ padzieńnia dreŭ: u Homielskaj (6 vypadkaŭ) i Minskaj (23 vypadki) abłaściach.
Paryvy vietru pry navalnicy dasiahali 20 m/s. U Homielskaj i Minskaj abłaściach viecier paškodziŭ dachi 18 žyłych damoŭ, 1 vytvorčaha budynka, 2 abjekty sackultbytu i 16 sielhaszabudoŭ.
U vioscy Haradzišča Minskaha rajona razmyła ŭčastak darohi šyrynioj 5 m i daŭžynioj 20 m u miescy skryžavańnia z rakoj Mienka.
U Minsku byŭ parušany ruch 32 tralejbusnych, 37 aŭtobusnych i 5 tramvajnych maršrutaŭ. Rabotnikami MNS dapamahli adbuksiravać 20 lehkavikoŭ, 5 maršrutak. Ratavalniki evakujavali ź lehkavoha i pasažyrskaha transpartu 91 čałavieka, u tym liku 19 dziaciej.
Pavodle «Biełenierha», na praciahu sutak na terytoryi krainy było parušana elektrazabieśpiačeńnie 461 nasielenaha punkta. Adklučeńni apieratyŭna likvidujuć avaryjnyja bryhady. Pa stanie na 6-ju hadzinu ranicy siońniašniaha dnia zastajucca biez elektryčnaści 50 nasielenych punktaŭ u Viciebskaj, Homielskaj, Hrodzienskaj i Minskaj abłaściach.