U Izraili ŭviali štraf za naviedvańnie krain z maksimalnym uzroŭniem pahrozy. U Biełaruś pakul nie rekamiendujuć jeździć
U niadzielu ŭrad Izraila ŭchvaliŭ uviadzieńnie štrafu za naviedvańnie izrailcianami krain, uklučanych Minzdaroŭja ŭ śpis dziaržaŭ z maksimalnym uzroŭniem pahrozy zaražeńnia. Pamier štrafu budzie składać 5000 šekielaŭ (kala 1500 dalaraŭ).
Nati Shohat/Flash90
Z aŭtorka ŭstupić u siłu pałažeńnie, jakoje abaviazvaje ŭsich izrailcian, starejšych za 16 hadoŭ, pry vylecie ź Izraila zapaŭniać u aeraporcie dekłaracyju, u jakoj jon abaviazvajecca padčas pajezdki za miažu nie naviedvać krainy z «čornaha śpisu», paviedamlaje newsru.co.il.
U ciapierašni čas u śpisie «krain maksimalnaj ryzyki» znachodziacca Arhiencina, Brazilija, PAR, Indyja, Mieksika i Rasija.
Razam z tym 27 červienia Minzdaroŭja paviedamiła ab uklučeńni Biełarusi i Kyrhyzstana ŭ śpis krain z vysokim uzroŭniem zachvorvańnia, pajezdki ŭ jakija nie rekamiendujucca.
U hety śpis Minzdaroŭja ŭžo ŭklučany Uhanda, Uruhvaj, AAE, Siejšieły, Efiopija, Balivija, Namibija, Parahvaj, Čyli, Kałumbija, Kosta-Ryka i Tunis.
Pry hetym u Ministerstvie adznačajuć: kali ŭ najbližejšy čas stanovišča ŭ hetych krainach nie palepšycca, jany buduć uniesieny ŭ «śpis krain maksimalnaj ryzyki».